°ˆ~*¤®‰« ô_° ياليت حزني دمع وأبكيه °_ô »‰®¤*~ˆ°

الصمت يكفي ويشفي صدر راعيه
لا صار كل الحكي ماله معاني


و القلب ما عاد تعنيه المشاريه
و العين ماعاد تغريها الأماني


و الخاطر العمس من يقدر يسليه
الناس والا الشعر والا الأغاني


يا كاتب الحزن في قلبي وقاريه
في نظرتي في أنفعالي في حناني


ياليت حزني مجرد دمع وابكيه
ماهوب عايش معي بين المحاني


ماهوب يظهر علي وأحاول أخفيه
و تصير نظرات حزني هي لساني


لو للسحايب سجن يا عبرة التيه
و الله ما أحبسك بخفاقي ثواني


مدري ذكرني زمان كنت ناسيه
مدري ذكرت الزمان اللي نساني


كنت أكره البحر وأخاف الغرق فيه
و اليوم أحبه وأخاف من المواني


كنت أعشق الجاي باحلامه وأمانيه
ياما بنيت بخيالي له مباني


ياما رجيت العطا من مدة يديه
حتى خذا كل شي وماعطاني